الحمد لله رب العالمين وصلى الله وسلم على نبينا محمد وعلى آله وصحبه أجمعين
ئهو تشتێن ب پيساتييێ هاتينه ناڤكرن :
1 ، 2 - دهستئاڤا ستوير و زراڤ :
هنديكه
دهستئاڤا ستويره : ئهڤه جۆرهكه ژ جۆرێن پيساتييێ، ئهڤجا چ ئهف
پيساتييه بمينته ب جلكێ مرۆڤی ڤه، يان ب نهعال و پێلاڤا مرۆڤی ڤه، و ئهگهر
بمينته ب نهعالێ ڤه يان پێلاڤێ ڤه، يا دورست ئهوه مرۆڤ وێ نهعالێ د ئاخێ ب
هسويت حهتا مرۆڤ بزانت چو ژ وی پيساتی نهمايه پێڤه؛ ئهبوو هورهيره دبێژت:
پێغهمبهری – صلی الله عليه وسلم – گوت: (( إذا وطيء أحدكم بنعله الأذى
فإن التراب له طهور
– ئهگهر ئێك ژههوه نهعالا خۆ داناته سهر تشتهكی پيس، ئاخ بۆ وێ
پاقژييه ))، ( ئهبوو داود ڤهدگوهێزت ) [ وهك د ( عون المعبود : 44/2 )دا
هاتی: ( الأذى ) : ههر تشتهكێ تۆ نهخۆشييێ ژێ ببينی، ژ پيساتييێ و تشتێ
قڕێژی و بهر و ستری و ژبلی ڤان ژی ]، ئهڤجا مهرهم پێ د ڤێ حهديسێ
دا ( پيساتييه ) ههر وهك يا دييار.
و هنديكه
يا زراڤه: ئهڤه ژی جۆرهكه ژ پيساتييێ؛ ئهنهسێ كوڕێ مالكی،
دبێژت: ( جارهكێ ئێكێ ئهعرابی د مزگهفتێ ڤه دهستئاڤا خۆ يا زراڤ خۆشكر، و
هندهك ژ سهحابان ڕابونێ داكو نههێلن، ڤێجا پێغهمبهری – صلی الله عليه وسلم –
گوت: (( دعوهُ، ولا تُزرموهُ
– بهێلن، و دهستئاڤا وی نه بڕن ( قهدعه نهكهن) )) گوت: ڤێجا دهمێ تارهتا
خۆ ب دووماهيك ئيناتی، پێغهمبهری – صلی الله عليه وسلم – داخوازا سهتڵهكا
ئاڤێ كر و پێداكر ) ( موسلم و بوخاری ڤهدگوهێزن ).
3 ، 4 – ( المذي و الودي ):
كو
ئهڤه دوو جۆرێن ئاڤێنه ژن و زهڵام ههردوو دبينن.
( المذي ) :
ئاڤهكا سپييهكی تهنكه، ويا نيسهكه، لگهل شههوهتێ دئێته خوار، لێ بهلێ
نه بۆ شههوهتێ دئێت، و وهكی پێلان ژی دهرناكهڤت، ودهمێ دهر دكهڤت مرۆڤ
خاڤ و سست نابت، و دبيتن ههر مرۆڤ پێ نهحهست ژی، و ئهڤه ل دهف زهڵام و
ژنكان پهيدا دبت. ( ئيمامێ نهوهوی د شرح المسلم : 213/3 )دا ئيناتييه )، و ئهڤ
جۆرێ ئاڤێ يێ پيسه، و ژبهر ڤێ چهندێ پێغهمبهری – صلی الله عليه وسلم – ئهمرێ
زهڵامی يێ كری كو ئهو ( عهورهتێ ) خۆ ژ ڤێ ئاڤێ بشۆت.
عهلييێ كوڕێ ئهبی طالبی دبێژت: ( ئهز زهڵامهك بووم
بهردهوام من ئهڤ ( مذي
)يه دديت، و من شهرم دكر پرسييارێ ژ پێغهمبهری – صلی الله عليه وسلم –
بكهم ژبهر كو كچا وی لدهف بوو [ كو خێزانا وی فاطيما كچا پێغهمبهری
– صلی الله عليه وسلم – لدهف بوو ]، ڤێجا من گوته ميقدادێ كوڕێ ئهسوهدی كو بێژيتێ، ڤێجا
گوتێ و پێغهمبهری – صلی الله عليه وسلم- گوت: (( يغسل ذكره و يتوضأ – دێ عهورهتێ خۆ شۆت و دهستنڤێژێ
شۆت )) ( موسلم و بوخاری ڤهدگوهێزن ).
( الودي ) : ئاڤهكا سپييه
و يا تيره، وپشتی دهستئاڤا زراڤ دهردكهڤت ( فقه السنه: 24/1 )، يان گهلهك
جاران ژ ئهگهرێ نساخييهكێ دێ بينی ههما ب عهروهتی دا هاته خوارێ، ئهڤجا ئهڤ
جۆره ئاڤه ژی يا پيسه و دێ عهورهتێ خۆ ژێ شۆيی.
ئبن عهبباس – خودێ ژێ ڕازيبت – دبێژت : (( المني
و الودي و المذي ، أما المني فهو الذي منه الغسل ، و أما الودي والمذي فقال : اغسل
ذكرك – أو مذاكيرك – و توضأ وضوءك للصلاة – مهنی و وهدی و مهذی ، هنديكه
مهنييه ئهوه يا كو شۆشتن بۆ ههی ، و هنديكه وهدی و مهذينه گوت: ئهندامێ
خۆ بشۆ – يان ئهندامێن خۆ – و دهسنڤێژا خۆ يا وهكی يا نڤێژێ بشۆ )) ( بهيههقی:
115/1 ) .
5- پيساتييا گيانهوهرێ گوشتێ وی نه ئێته
خوارن:
عهبدۆڵڵاهێ كوڕێ مهسعودی دبێژت: پێغهمبهری
– صلی الله عليه وسلم – دڤييا بچيته دهستئاڤێ، ڤێجا گوت: (( ائتني بثلاثة أحجار – بۆ من سێ بهران بينه ))، ڤێجا من دوو بهر بۆ ديتن و كهرسلهكا
كهری ( پۆرسڵ )، و ئهوی ههردوو بهر هلگرتن و كهرسل هاڤێت، و گوت: (( هي رجس – ئهو يا پيسه )) ( بوخاری و نهسائی
و ترمذی و
ئبن ماجه و ئبن خوزهيمه ڤهدگوهێزن ).
6- خوينا عادهی ( حيض ) : ئهسمائا كچا ئهبوبهكری – خودێ ژێ ڕازيبت – دبێژت :
ژنكهك هاته نك پێغهمبهری – صلی الله عليه وسلم – و گوتێ: تۆ چاوا دبينی دهمێ
ئێك ژمه خوينێ دبينت و دكهڤيته سهر جلكێ وێ ، چ بكهت؟ پێغهمبهری – صلی الله
عليه وسلم – گوتێ : (( تَحَتُّهُ، ثمَّ تقرُصُهُ
بالماءِ، وتنضَحُهُ وتصلَّي فِيِهِ – دێ پهرخينت، پاشێ دێ ب ئاڤێ باش شۆت،
پاشێ دێ ژئاڤێ خلاسكهت – زوهاكهت – و نڤێژێ پێ كهت )) ( بوخاری و موسلم و ئهبوو
داود و نهسائی و ئبن ماجه ڤهدگوهێزن ) .
7. شوين دهڤێ سهی : ئهبوو هورهيره
دبێژت: پێغهمبهری – صلی الله عليه وسلم – گوت: (( طهور إناء أحدكم إذا ولغ فيه
الكلب أن يغسله سبع مرات أولاهن بالتراب – ئامانێ ئێك ژ ههوه دێ پاقژ بت ئهگهر سهی دهڤێ خۆ
كرێ كو حهفت جاران بشۆت و شۆشتنا ئێكێ ب ئاخێ بت )) ( موسلم ڤهدگوهێزت ).
8. تشتێن گيانهوهرێ مراربوويی:
مراربووی ئهوه يێ كو نه ب ڕێكا شهريعهتی
هاتييه سهرژێكرن؛ ژبهر گوتنا پێغهمبهری – صلی الله عليه وسلم - : (( إذا دبغ الإهاب
فقد طهر – ئهگهر
بيست بێته گهمارهكرن ئهڤه ئهو پاقژبوو )) ( موسلم و ئهبوو داود ڤهدگوهێزن
)، مهعنا: ئهڤ پيسته هندی نهئێته گهمارهكرن ئهو دێ يێ پيس بت.
و( الإهاب ): پيستێ
گيانهوهرێ مراربوويی يه،
هندهك ژ وان
تشتێن ب حهلالييێ هاتينه ناڤكرن :
ههرچهنده
ل دهف زۆربهی خهلكێ مه د حهرامن، لێ بهلێ د ڕهسهنييا خۆ دا د حهلالن، چونكی
ئهو تشتێ ئهم ب حهرامييێ ناڤ بكن؛ دڤێت ئهم بهلگهی ( دليل )ی بۆ ئاماده بكهين،
وبێی دهليلهكی شهرعی ئهم نهشێن چو تشتی ب حهرامی ل قهلهم بدهين، ئهڤجا
لڤێرێ ئهم دێ ب كورتی هندهك وان تشتێن ب حهلالييێ هاتينه ناڤكرن بهحس ژێ كهين
( إن شاء الله
) :
1- خوينا مرۆڤی ژبلی جهێ ( دهستئاڤا ستوور و زراڤ ) يان
خوينا وی حهيوانی يێ گوشتێ وی بێته خوارن، حسن دبێژت: ( يا دياره كو موسلمانان ب برينێن خۆ ڤه نڤێژ دكرن ) ( بوخاری ڤهدگوهێزت
)، و حهديسا زهڵامێ ئهنصاری ( دهمێ ب شهڤێ نڤێژ
كری، و كافرهكێ سێ تير لێداين و ئهوی نڤێژ بهتال نهكر و خوين ژ برينێن وی
دهاتن ) ههروهك د ( تمام المنة : 51 ، 52 )دا هاتی.
و د وێ حهديسا كوشتنا عومهرێ كوڕێ خهتتابی كو ( عومهری نڤێژدكر و خوين ژ برينێن وی دهاتن ) ( مالك و
بهيههقی ڤهدگوهێزن ).
ونسبهت خوينا
حهيوانێ گوشتێ وی بێته خوارن؛ ( أبن مسعود ) دبێژت: ( ڕۆژهكێ
پێغهمبهر – صلی الله عليه وسلم – ل كهعبێ نڤێژ دكر، و ( أبو جهل ) و هندهك ههڤالێن
وی ل وێرێ د ڕوينشتی بوون، ئێكێ گوته ئێكێ: كی ژ ههوه دێ چيت عوير و ڕيڤيكێن
حێشترا ماڵا فلان كهسی ئينت و دانيته سهر سهرێ ( محمد )ی – صلی الله عليه
وسلم – دهمێ دچيته سوجدێ؟ يێ ژههمييان پيستر ڕابوو چوو هندهك عوير و ڕيڤيك
ئينان، دهمێ پێغهمبهر – صلی الله عليه وسلم - چوويه سوجدێ، ئهو پيساتی ههمی
هاڤێته سهر سهری و سهر پشتێ، و پێغهمبهر – صلی الله عليه وسلم – ما د سوجدێ
دا ڤێجا بۆ خۆ پێ كهنين .... ) ( بوخاری و مسلم ڤهدگوهێزن )، مهعنا ئهگهر
خوينا وێ حێشترا سهرژێكری يا پيسبا پێغهمبهر – صلی الله عليه وسلم- دا ژ سهر
كراسێ خۆ ڕاكت، يان ژی دا ژ نڤێژێ دهركهڤت.
2- ماسی و كولييێ مراربوويی، ژبهر وێ حهديسا عهبدوڵڵاهێ
كوڕێ عومهری – خودێ ژ ههردووكان ڕازيبت – دهمێ دبێژت: پێغهمبهری – صلی الله
عليه وسلم – گوت: (( أحلت لنا ميتتان و دمان: أما الميتتان فالحوت والجراد، وأما الدمان
فالكبد والطحال
– دوو مری و دوو خوين يێن بۆ مه
هاتينه حهلالكرن: هنديكه ههردوو مرينه ئهو ماسی و كولينه، وهنديكه ههردوو
خوينن ئهو مێلاك و خالخالكه )) ( أحمد د ( الفتح ا لربانی) دا و بهيههقی ڤهدگوهێزن
).
3- ئهو مراربوويێ خوين ژبهر نهچت، وهكی مێشا ڕهشا ناڤ
ماڵان و مێری و مێشا هنگڤينێ، ويێن وهكی وانان.
ئهبوو هورهيره دبێژت: پێغهمبهری – صلی الله عليه
وسلم – گوت: (( إذا وقع الذباب في إناء أحدكم فليغمسه كله، ثمّ ليطرحه، فإن في إحدى
جناحيه داءً، وفي الآخر شفاءً –
ئهگهر مێش كهفته دئامانێ ئێك ژههوه دا بلا ههمييێ نقۆم بكهت، و
پاشێ بينته دهرێ و پاڤێژت، هنديكه جهنگێن وێ نه ئێك دهرده ئێك دهرمانه ))
( بوخاری و ئبن ماجه ڤهدگوهێزن ) .
4- ههستيكێن
مراربوويی، و شاخێن وی، و نهينۆكێن وی، وموی يان هريا وی، و پهڕێن وی، ئهڤه ههمی
د حهلالن، چونكی چو تشت پێ نههاتييه كو ئهڤه د حهرام و پيس بن، ههروهكی
بوخاری د( 342/1 )دا ل پێشيا حهديسا ژماره ( 235 )دا وهكی گوتن ئيناتي، دبێژت:
زوهری
د دهربارهی ههستيكێن مری دا دبێژت – وهكی ههستيكێن فيلی و وانان - : من ژ گهلهك
زانايان يا زانی كو ئهوان سهرێن خۆ پێ شه دكرن، و دوهن دكرنێ، ئهوانان چو خهلهتی
دڤێ چهندێ ڕا نه دديتن.
والحمد لله رب العالمين ..
نڤيسين ماموستا:
أحمد عبدالله رشيد هاجاني
mr.ahmed.hbn@gmail.com
________________
ژێدهر ( مــــــصدر
) :
- تهفسيرا ب ساناهی بۆ قورئانا پيرۆز : وهرگێڕ
سهيدا : تحسين ابراهيم دوسكي .
* پهرتوكێن حهديسا :
- ( مختصر صحيح البخاري ) ، يا وهرگێڕايی
بۆ زمانێ كوردی : چاپا ئێكێ ٢٠١١ ، جوتيار محمد بامهرني .
- ( چل حهديسێن ئيمامێ نهوهوی ) يا وهرگێڕايی
بۆ زمانێ كوردی : چاپا ٢٠٠٢ ، تحسين ابراهيم دوسكي .
* پهرتوكێن ب زمانێ عهرهبی :
-
الوجيز ( في فقه السنة و الكتاب العزيز ) : تأليف : الدكتور عبدالعظيم بدوي ، طبعة
الثالثة 2010 م ، دار ابن رجب ، ت. دار ابن حزم بيروت . لبنان .
- صحيح فقه السنة وأدلته وتوضيح مذاهب الأئمة: اعداد: أبو مالك كمال بن سيد سالم، الجزء الأول، المكتبة التوفيقية.
- وماخلت الجنّ والانس إلا ليعبدون : تأليف:
الدكتور محمد بن عبدالرحمن العريفي ، طبعة الأولى 2006 م ، مكتبة سلسبيل ، القاهرة
.
-
تلخيص صيفة الصلاة النبي – صلى الله عليه وسلم - : لـعلامة الشيخ محمد
ناصرالدين الألباني – رحمه الله .
- حكم تارك الصلاة : لفضيلة الشيخ العلامة: محمد بن صالح
العثيمين ،سلسلة مؤلفات فضيلة الشيخ 47 ، ط. بإشراف مؤسسة الشيخ محمد بن صالح
العثيمين الخيرية.
* پهرتوكێن ب زمانێ كوردی :
- نڤێژ ستوينا ئيسلامێ : تحسين ابراهيم
دوسكي ، چاپا ئێكێ ٢٠١١،
ژ وهشانێن پهرتوكخانهيا ( دياربكهر ) زاخۆ
- فهرههنگا گوتن و كريارێن نه دورست :
تحسين ابراهيم دوسكي .
* فهرههنگ ( قاموس ):
- فهرههنگا سپيرێز ( عهرهبی – كوردی ) : دانان: محمد أمين دوسكي ، چاپا ئێكێ ٢٠٠٨ .
ليست هناك تعليقات:
إرسال تعليق